Bryllaupsguide
Mine beste tips for eit fantastisk bryllaup
Bryllaupsdagen tilhøyrer dykkar. Det er deg og din utkåra sin spesielle, unike og magiske dag, uansett korleis de vil at dagen skal sjå ut. Sjølve planlegginga er utfordrande og kan vere overveldande — men det treng ikkje vere stress. I over fem år har eg fotografert bryllaup og har eg samla dei beste tipsa mine her. Og ikkje minst korleis få dei beste bileta. Her finn de alt i frå detaljerte tidsplanar til detaljer om forskjellige typer fotosesjonar.
Om du ikkje les noko anna her — vel det som er viktigast for dykk. Det er ikkje nødvendigvis det tradisjonelle og ikkje det mor eller bestemor meiner er viktig. Vil de ha kake og bobler rett etter seremonien? Eller får gjesten ta seg ei ventepølse medan de tek portrettbilete? Skal de invitere heile storslekta, eller kun dei de har snakka med i løpet av det siste året? Vil de ha åtte timer med taler, eller droppe formell middag og starte rett på festen? Alt er lov, og det er de som bestemmer!
Eg håpar denne guiden vil vera til hjelp for deg. Ta gjerne kontakt med meg dersom du har spørsmål eller du kan lese meir om bryllaupsfotografering her.
Sett dykkar sjølve fyrst
Enkelt og greit så betyr det å sette av mest tid til det som betyr mest. Er det seremonien eller festen etterpå som de gler dykk mest til? Å høyre talar og songar frå familie og venar, eller å ha tid til å mingle med alle gjestene.
Lag ein realitisk tidsplan
Ha realistiske rammer for dei ulike delene av dagen. Ting vil bli forseinka, så legg inn ekstra tidslommer her og der. Sett av tid til både transport, toalettbesøk og matbitar med ekstra margin, siden ting som regel tek litt lengre tid enn det ein trur.
Hugs òg å ta pausar mellom øktene. Det er ikkje noko gøy om de må springe og stresse gjennom dagen. God planlegging gjer at de kan nyte dagen, og vere saman med gjestene.
Vel kva de vil ta bilete av
Det er mange typiske augneblinkar i løpet av ein bryllaupsdag, slik som førebuingar, seremonien, fyrste kyss og fyrste dans. Og i mellom dei store slaga er det eit hav av kjensler og små detaljar som òg er fint å få dokumentert. Finn ut kva som er viktig for dykk å få fanga på film, og kva de vil setje av mest tid til å ta bilete av.
Typiske fotosesjonar
Førebuingar (Get Ready)
Medan de gjer dykk klare for dagen, dokumenterer eg som fotograf stemninga, forventningane og augneblinken når de får på dykk brudeskruden.
Eg tek bilete av detaljer, til dømes sminke, ringar, slipsnålar, invitasjonar, buketter og andre ting som betyr noko for dykk. Me tek òg nokre portrett av brudeparet, som jo er fint siden det er no både sminke og hår sit som støpt. I løpet av førebuingane kan me og ta bilete med forlovarane, til dømes om de deler ei flaske bobler, har matchande pyjamas eller morgonkåper.
Første titt (First look)
Fleire og fleire brudepar ynskjer å sette av tid for seg sjølve i forkant av seremonien. Somme les løfter til kvarandre, eller berre tek ein pust i bakken etter det som garantert har vore hektiske dagar i forkant. Det blir ofte veldig rørande og stemningsfulle bilete.
Desse bileta tek me som regel rett etter førebuingane, før de drar til kyrkja eller staden der de skal ha seremonien dykkar.
Seremoni
Under seremonien er eg som ei floge på veggen. Eg fangar alt som skjer — både gledestårer, fyrste kyss og når de gjer kvarandre ringar. I tillegg til å ta bileta av dykk, dokumenterer eg òg gjestene og reaksjonane deira.
Gruppebilete
Det er lurt å bestemme seg på førehånd om de ynskjer å ta gruppebilete. Avhengig av kor mange gjester de har, tek det tid å samle alle og finne ut kor bileta skal takast. Det er vanskelig å få til på sparket.
Set opp ei liste med kva for gruppebilete de ynskjer, og kor lang tid de vil bruke på denne fotograferinga. Det enklaste er som regel å ta gruppebileta rett etter seremonien eller før middagen når alle uansett er samla.
Portrettbilete
Portrettbileta forsøker å få så naturleg som mogleg, uten oppstillingar og rare smil. Eg rettleiar dykk gjennom heile fotograferinga, og me har det kjekt saman.
Om de ikkje allereie har ein spesiell stad der de vil ta bileta, hjelper eg gjerne med å finne den perfekte plassen.
Middag, fest og dansegolv
Eg fangar dei små augneblinkane, som smil, latter og reaksjonar under talane Eg blir òg med på dansegolvet for å fange stemninga og artige festbilete.
Førebuingar (Get Ready & First Look)
TID: 1 – 1,5 timar
STAD: Det kan vere heime hjå dykk, på hotell, i AirBnb eller hjå frisøren. Det viktigaste er eit rom med godt naturleg ljos, gjerne i nærleiken av eit vindauge.
NÅR: Når håret er på plass, og det er tid for sminke.
Tips og triks:
- Tek det med ro — det set tonen for resten av dagen.
- Tradisjonen er at brudeparet gjer seg klar kvar for seg, men de kan sjølvsagt gjere det saman.
- Ha ein ryddeansvarleg som sjauar undarvegs.
- Bestem dykk for kven som skal vere med på bileta; forlovarar, vener, familie eller andre.
- Ha klart detaljert til eg kjem, slik som kjole, smykke, invitasjonar, sko, bukett og liknande
- Når førebuingane er fedig, tek me first look-bileta på ein stad me har avtalt på førehand.
Seremoni
TID: 1- 1,5 timar
NÅR: Eg kjem ca ein halvtime før seremonien startar
Tips og triks:
- Hugs å sette av nok tid til gratulasjonar rett etter seremonien.
- Skal du ha blomsterpike, kan det vere lurt ha ein støttespelar til barnet. Det kan vere skummelt å gå opp heile midtgongen åleine.
Familie og gruppebilete
TID: 30 min (for 8-10 grupper)
NÅR: Rett etter gratulasjonar eller under mingling før middagen
Tips og triks:
- Informer alle de vil ha med på gruppebilete i forkant, og når dei skal møte.
- Definer gruppene på førehand, for å unngå at alle plutseleg skal hive seg med.
- Vel ut ein ansvarleg for gruppene som er komfortable med å ta styringa. Eg allierer meg med dei.
Forslag til gruppebilete:
- Brudepar + foreldre til brudgom
- Brudepar + foreldre til brud
- Brudepar + kjernefamilie til brud
- Brudepar + kjernefamilien til brudgom
- Brudepar + besteforeldra til til brud
- Brudepar + besteforeldra til brudgom
- Brudepar + søsken til brud
- Brudepar + søsken til brudgom
Portrettbilete
TID: 1-2 timar
NÅR: Etter gratulasjonar eller før middagen, gjerne rett etter gruppebilete
Tips og triks:
- Vel ein stad som speglar dykkar (eg hjelper sjølvsagt med dette)
- Ta med forlovarar og eventuelle barn i starten. Etter me har tatt nokre bilete med dei, kan forlovarane ta med seg barna, før me tek portrettbilete med kun de to.
- Hugs å rekne med transporttida til der me skal ta bileta.
- Det er lurt å ha med sminke, nål og tråd, Q-tips, hårnålar og våtserviettar, i tilfelle me må fikse noko.
- Lag ein plan B for dårleg vêr. Tenk gjennom på førehånd om de vil ta bileta ute sjølv om det regnar, eller om me har ein stad med tak i bakhånd.
- Om de kvir dykk for portrettbileta, snakk om det og øv i spegelen saman. Det hjelper ofte på nervene.
- Fokuser på å ha det kjekt saman! Eg rettleier gjennom heile fotograferinga, og me gjer det så naturleg som mogleg — og gjer ingenting de kjenner dykk ukomfortable med.
Fest og dans
TID: Fram til alle går heim
NÅR: Etter middagen
Tips og triks:
- Ikkje ver opptekne heile tida. Nyt dagen, og ta dykk tid til å mingle. Det er ingen god kjensle å arrangere ein fest der du ikkje har tid til å snakke med gjestane.
- Dei beste festbileta kjem når gjesten er avslappa og har det gøy.
- Planlegg gjerne for spesielle augneblink, slik som stjerneskotbilete, første dans, kakeskjæring, ein lek, og liknande.
Forslag til tradisjonell tidsplan med fotograf i 12 timar
08:30–10:30: Get Ready
- Eg startar hjå ein av dykk, og tek bilete av hår, antrekket, detaljar og uformelle augneblinkar med forlovarar eller familie.
- Så vidare til neste, med bilete av hår, klede, og detaljar som sko, smykke og invitasjonar.
- Me tek stemningsbilete av brudefølge, familie og spesielle augneblinkar.
10:30–11:00: First look
- Intimt møte mellom brudeparet på ein utvalgt stad, gjerne i hagen eller ved hotellet.
- Eg rettleier i starten, og så held eg fram med å ta uoppstilte bilete.
11:00–12:30: Seremoni
- Eg tek bilete av gjestene som kjem og stemninga før brudeparet kjem.
- Viktige augneblinkar blir dokumentert, slik som innmarsj, løfter, ringutveksling, kyss og utmarsj.
- Eg tek òg bilete av reaksjoner frå gjesten undervegs.
12:00–13:00: Gratulasjonar og gruppebilete
- Eg fangar små augneblinkar medan gjestene gratulerer brudeparet.
- Så tek me organiserte gruppebilete av familie og vener, enten på kyrkjetrappa eller i nærleiken av der seremonien blei holdt.
13:00–15:00: Portrettbilete
- Portrettfotografering av brudeparet i vakker natur eller ein stad som betyr mykje for dykk.
- Forlovarar og eventuelle barn er med i første del av fotograferinga.
15:00–16:00: Mottaking og mingling
- Mottaking og velkomst av brudeparet.
- Gjestene drikk gjerne noko godt og et nokre småretter, medan eg dokumenter mingling og detaljar i lokalet.
- Eg tek bilete av borddekorasjonar, blomar og andre personlege element.
16:00–19:00: Middag og talar
- Eg tek bilete av brudeparet og gjestene under servering og talar.
- Fokus på ekte og emosjonelle augneblinkar frå både dei som talar og andre gjestar.
19:00–19:30: Ein liten pause og portrett i golden hour
- Me snik oss ut for å ta nokre bilete i kveldssola.
- Det blir stemningsfulle og romantiske bilete.
19:30–20:30: Kakeskjering og feststart
- Eg tek bilete av kakeskjæring, mingling og gjestene.
20:30–22:30: Dans og feststemning
- Eg tek bilete av første dans, dansegolvet og andre augneblinkar før dagen er over.
Forslag til utradisjonell tidsplan med fotograf i 8 timar
11:30–12:30: Felles førebuingar
- Frokost saman som par eller med nær familie og vener.
- Avslappa førebuingar i same hus, men på ulike rom.
- Eg tek bilete av små detaljar gjennom førebuingane
12:30–14:00: First look og portrettbilete
- Portrettfotografering ute i naturen eller ein annan stad som er spesiell for dykk.
- God tid til å nyte augneblinken saman utan stress.
- Me tek portrettbilder i rolege omgjevnader i etterkant.
14:00–15:00: Uteseremoni
- Avslappa seremoni under eit tre, ved vatnet eller på ei eng.
- Personlege løfter og musikk frå ein ven eller musikar.
- Konfetti-utgang før gratulasjonar.
- Bobler i glaset og nokre talar
15:00–16:30: Mingling og festleiker
- Me tek familie- og gruppebilete.
- Gjestene nyt smårettar og noko godt i glaset, kan delta i leiker eller slappe av.
- Brudeparet set av tid til å vere saman med gjestene sine i forkant av middag og fest.
16:30–18:30: Enkel middag eller grilling
- Langbord eller uformell grilling.
- Musikkinnslag og personlege talar frå familie og vener.
18:30–19:30: Kveldsstemning
- Leik og moro, champagnesprett og kake
- Dansegolv og fest ut i dei små timar.
- Nyt kvelden vidare saman med vener og familie etter at fotografen har gått heim.
Forslag tilTradisjonell tidsplan med fotograf i 6 timar
12:30–13:30: Seremoni
- Eg fangar detaljar i seremonilokalet før brudeparet kjem.
- Bilder av innmarsj, løfter, ringutveksling, kyss og utmarsj.
- Dokumentasjon av gjestene sine reaksjonar.
13:30–14:30: Gratulasjonar og gruppebilde
- Gratulasjonar på kyrkjetrappa.
- Organiserte gruppebilder av familie og vener i ein fin setting nær seremonien.
14:30–16:30: Portrettbilder
- Fotografering av brudeparet i vakker natur, ved seremonilokalet eller ein annan planlagt stad
16:30–17:30: Mottaking av brudepar og mingling
- Eg dokumenterer mottaking av brudepar og gratulasjonar
Planleggingsguide og sjekklister
12–18 månader før bryllaupet
- Vel dato og sett budsjett
- Lag ei foreløpig gjesteliste
- Reserver bryllaupslokale og eventuelt kyrkje eller vigselstad
- Book bryllupsfotograf (her tek du kontakt med meg såklart)
- Søk etter inspirasjon til tema og stil, bruk gjerne Pinterest
8–12 månader før bryllaupet
- Bestill catering eller avtal meny med selskapslokalet
- Book musikk (DJ, band) eller set saman ei speleliste med favorittmusikken dykkar
- Send ut "save the date"-kort eller lag eit event på Facebook
- Finn overnattingsstadar de kan anbefale for tilreisande gjester
- Bestill antrekk, sko og tilbehør til brudeparet
- Vel leverandør til blomar, kake og eventuell dekor
- Set opp ynskjeliste hos butikkar de likar
- Book transport dersom det er behov for det
4–8 månader før bryllaupet
- Avtal prøvetime for hår og sminke
- Ha ein kjærastefotografering
- Send ut invitasjonar
- Planlegg vigselsseremonien og snakk med vigslaren eller presten
- Lag ein detaljert tidsplan for dagen og gå gjennom dagen med toastmaster
- Bestill ringar
- Bestill bryllaupskake
- Planlegg bryllupsreisa
2–4 månader før bryllaupet
- Bekreft med leverandørar (fotograf, catering, musikk osb.)
- Prøv antrekket og gjer eventuelle justeringar
- Planlegg bordplassering og lag eit bordkart
- Avtal prøvesmaking for mat og kake
- Lag ein detaljert tidsplan for dagen og gå gjennom dagen med toastmaster
- Del tidslinja med familie og vener
1 månad før bryllaupet
- Bekreft gjestelista og gi endeleg tal på gjester til til leverandørar
- Øv på å danse saman om de har ein spesiell bryllaupsdans
- Gå gjennom musikk de ønskjer ved mingling, seremoni os
- Lag eventuelle "takkegåver" til gjester
- Skriv talar og forbered innslag om de skal bidra sjølv
- Avtal planeggingsmøte med bryllaupsfotograf
1–2 veker før bryllaupet
- Hent antrekket ferdig tilpassa
- Pakk koffert for bryllaupsreise
- Fiks neglene, eventuelt andre skjønnhetsbehandlingar
- Bekreft og oppdater alle detaljar med bryllaupsfotografen
- Sjekk at alt er gjort på sjekklista
Dagen før bryllaupet
- Sørg for at alle dekorasjonar og liknande blir bragt til lokalet
- Pakk ei lita nødveske med plaster, sikkerheitsnåler, snacks osb.
- Ha ein avslappande kveld og prøv å få sove godt
På bryllaupsdagen
- Kos dykk og nyt dagen!
- Husk å eta og drikka vatn gjennom dagen
- Vær til stades i alle små og store augneblinkar
To-do og handlelister
Get ready
To-do
- Book frisør og sminkør
- Planlegg transport til og frå lokasjonar
- Klargjer antrekk (inkl. smykker, sko, og tilbehør)
- Pakk "nødkit" (plaster, nål og tråd, sminkefiks, snacks/vatn)
- Høgtalar med bluetooth
Handleliste
- Hårprodukter, sminke og tilbehør
- Morgenkåper eller komfortable klede
- Snacks og drikke til førebuinga
Seremoni
To-do
- Book tid og stad for vigselen
- Avtal med vigslar
- Planlegg musikk og lydanlegg
- Koordiner med eventuell blomsterleverandør
Handleliste
- Blomar til bukettar og dekorasjonar
- Printe program og songhefte
- Ringar og ringpute eller -eske
Festlokale
To-do
- Book lokale og signer kontrakt
- Planlegg dekorasjon og bordplassering
- Koordiner med catering og leverandørar
- Sørg for musikk, DJ og band
Handleliste
- Bordkort og menyar
- Lys, serviettar, og pynt
- Snacks, drikke og evt. alkohol
Blomsterpike og forlovarar
To-do
- Koordiner antrekk og tilbehør
- Bestill smågåver som takk om de ynskjer det
Handleliste
- Blomerkrans eller bukett
- Sko og smykker
Brudepar
To-do
- Prøv og bestill antrekk (i god tid)
- Planlegg personlege løfter og tale
Handleliste
Til bryllaupsdagen
To-do
- Lad telefonen
- Fyll opp vatnflaska
Handleliste
- Deodorant
- Lommetørkle
- Sikkerheitsnåler
- Paraply
- Paracet
- Snacks
Kontakt meg for å planlegge den store dagen dykkar!
Eg håpar denne bryllaupsguiden har gitt deg nyttige tips og inspirasjon for den store dagen. Er du klar for å ta det neste steget og sikre deg minner for livet? Eg er her for å hjelpe deg med å forevige dei vakre, ekte augneblikka.
Ta gjerne kontakt med meg for å diskutere korleis eg kan bidra til at bryllaupet ditt blir heilt unikt! Eg ser fram til å høyre frå deg.
Legg igjen en kommentar