Nyfødtfotografering – kva kan du forvente?
Den første tida med ein nyfødd er spesiell. Dagane går fort, og det skjer mykje på kort tid. Ein nyfødtfotografering gjev dykk bilete av desse første dagane, utan stress og mas.
Mange lurer på korleis det fungerer, om babyen kjem til å sove, kva ein bør ha på seg, og om storesysken kan vere med. Her er svar på nokre vanlege spørsmål:
Når bør me ta bileta?
Den beste tida for nyfødtfotografering er mellom dag 5 og 14. Då søv babyen ofte godt, men det går fint å ta bilete seinare òg. Eg tilpassar fotograferinga etter babyen sin rytme, med pausar når det trengst.
Korleis føregår fotograferinga?
Eg kjem heim til dykk eller vi møtest ute, alt etter kva de ynskjer. Fotograferinga skjer i rolege omgjevnader, der eg tek både klassiske nyfødtportrett og bilete av babyen saman med dykk som familie. Eg har ein mjuk og naturleg tilnærming, og vi tar den tida vi treng, slik at det blir ei fin oppleving for alle.
Frå det augeblikket de bookar, får de oppfølging på e-post. Eg sender ut tips og råd, samt ei enkel hugseliste, slik at de veit kva de kan forvente. Det er ikkje mykje de treng å tenkje på – de får all informasjon de treng, og eg hjelper dykk gjennom heile prosessen.
Kva bør me ha på oss?
Vel enkle, komfortable klede i naturlege fargar. Lyse eller jordnære tonar fungerer godt, men det viktigaste er at de føler dykk vel. Babyen treng ikkje meir enn ein body, eit teppe eller berre bleie.
Kan storesysken vere med?
Ja! Eg tek alltid nokre bilete saman med dei på ein naturleg og fin måte.
Kva skjer etter fotograferinga?
Eg går gjennom bileta, vel ut dei beste og redigerer dei. De får tilgang til eit nettgalleri der de kan velje kva de vil ha. Mange bestiller album eller print – å ha bileta fysisk gjev ein heilt annan følelse enn å berre sjå dei på skjerm.
Nyfødtfotografering handlar om å bevare minna frå den første tida, på ein enkel og behageleg måte. Om de har spørsmål eller vil booke, er det berre å ta kontakt!
Legg igjen en kommentar